Eladio Monea

Eladio Monea

1
Paracuellos del Jarama,
desgrazado e histórico.
A guerra civil colheu-no
com catorze aninhos alá.

2
Rapacinho de olhos azuis,
e afundidos, coma seu pai,
celestes coma as hortensas,
a cor das frores celestiais.

3
Fazedeiro e pacífico,
ainda que se cumpria,
calcaba boas labazadas,
a quem se pugera diante.

4
Defensor dos seus queridos.
-Se estivera eiqui Eladio !,
dizia seu irmao Dario,
quando tinha algum tropezo.

5
Xosé, o seu irmao maior,
o maioral das quadrilhas,
levava-o de vrao a Castela
cos irmaos e outros da aldea.

6
Com algo mais de vinte anos
votouche um na cadea,
cárcere podre de Ourense,
seica por encobrir outros.

7
Esse tempo entras reixas,
esse ano tam maldito,
deixara-o espotreado
para o resto da sua vida.

8
As condicions inhumanas
do cárcere da cidade,
de augas quentinhas das Burgas,
gearam o seu coraçom.

9
Malditos carcereiros,
sem ser eu, quem mal lhes queira,
seguro tenhem pagado
aquel mal que lhe fizeram.

10
A sua bondade meirande,
fixo-o que dera esse paso,
pois sendo um rapaz mais novo,
a pena seria menor.

11
Argimiro, de Argentina,
erguía o index da direita,
e el moi serio dizia :
- Eladio Monea é assim.

12
So me rifara duas veces :
por maltratar uma nena
e por ser ladrom de vinho,
quando eu teria dez anos.

13
Ningumha das duas houvo.
Uma, queixa dumha inveja,
outra um roubo que nom fora,
embelenhado por um ladrom.

14
Nim vinho que eu roubara
nim meninha maltratada.
Non falamos ja mais delo,
tácitamente aceitavam,

15
que ja el me perdoara,
se havia algo que perdoar.
El nom soportava os roubos
nim o de bater-lhe òs nenos.

16
- Hai um espelho na casa,
dixo umha vez òs pequenos,
e referindo-se a mim,
cousa que eu nom entendia.

17
Um amador das cantigas :
- Cantade polos caminhos
dizia-lhe òs seus filhos,
quando saíam pra algures.

18
Moi amante da poesia
e tamém do vinho doce,
um leitor de Rosalía
e do seu querido Curros,

19
com umha memoria incrível,
tinha òs dous sempre no bico,
cantando as suas cancions,
em todas as festas que ía.

20
Vendo morrer a tres filhos,
ver como ían por diante del,
ningum coraçom resiste
tanta dor e tanta pena.

21
Sementou um jardim de frores,
a metade delas mirrou.
A outra metade somos nós,
vivindo para conta-lo.

22
Sabendo que ja morria,
- imo-nos do val, dizia.
Um bo home, bem sabido,
de meirande santidade.

23 
Agora o seu coraçom vai
no cavalinho dum dragom,
de viageiro num cometa
por toda a eternidade.




Eladio Monea, marchou no cometa Hale-Boop o
23 de Abril de 1997  



Moradelha editora